மயிலாடுதுறை மாவட்டம், சீர்காழி:
மயிலாடுதுறை மாவட்டம் சீர்காழி தாலுகா, சீர்காழி டு பூம்புகார் சாலை, மணிக்கிராமம் ஊராட்சிக்கு உட்பட்ட பகுதியில் சாலையின் நடுவே பெரிய பள்ளம் ஏற்பட்டுள்ளது.
இரவு நேரத்தில் இப்பகுதியில் போதிய வெளிச்சம் இல்லாததால், இந்த பள்ளத்தால் விபத்து ஏற்படும் அபாயம் அதிகமாக உள்ளது.
மேலும், இந்த சாலையில் தினமும் பள்ளி, கல்லூரி செல்லும் மாணவ, மாணவிகள் அதிகளவில் சென்று வருகின்றனர். இருசக்கர வாகனம் மற்றும் நான்கு சக்கர வாகனங்களில் செல்வோர், இந்த பள்ளத்தை சற்றும் எதிர்பாராமல் அதில் விழுந்து விபத்துக்குள்ளாகும் அபாயம் உள்ளது.
எனவே, எந்தவித அசம்பாவிதமும் நிகழும் முன், சம்பந்தப்பட்ட துறை அதிகாரிகள் உடனடியாக நடவடிக்கை எடுத்து சாலையை சீரமைக்க வேண்டும் என சமூக ஆர்வலர்களும், பொதுமக்களும் கோரிக்கை விடுத்துள்ளனர்.
செய்தியாளர்:
R.முரளிதரன், மயிலாடுதுறை மாவட்டம்
